ИСТАНБУЛ
АВИОНСКА ПРОГРАМА
05.12.2026 – 08.12.2026
Град кој никогаш не спие, исполнет со арома на зачини, со звукот на живите пазари и прекрасната архитектура.
Истанбул – единствениот град метропола кој спојува два континента, два света, град кој во себе ја носи реалноста и фантазијата, град на материјалното но и духовното спојување на минатото и сегашноста. Градот претставува дом на многу култури, центар на империи низ вековите наназад, поради што во него се наоѓаат бројни историски знаменитости: џамии, цркви, синагоги, дворци и кули. Наполеон Бонапарта рекол: „Ако светот беше една држава, Истанбул ќе беше нејзиниот главен град”.
05.12.2026 – сабота
Состанок на групата на аеродромот во Скопје 2 часа пред лет. Полетување за Истанбул со Pegasus Airlines. По слетувањето на аеродромот Sabiha Gökçen (SAW) во 14:15 часот, организиран трансфер и панорамски разглед на градот со локален водич на англиски јазик, попатно кон хотелот. Попатно ќе се направи кратко запирање кај Моминската кула (Kız Kulesi) – еден од најпознатите симболи на Истанбул, сместен на мал остров во Мраморното Море, спроти Ускудар. Кратка пауза за прошетка и фотографирање со прекрасен поглед кон кулата и градот. Сместување во хотел Бристол 3+* во Бејоглу. Во вечерните часови, гратис пешачка тура до Галата кула и Каракој. Галата кула е една од најпознатите туристички атракции во Истанбул. Околината на Галата кула е исполнета со тесни калдрмисани улички, мали дуќанчиња со занаетчии, продавници со накит, книги и мирис на свежо турско кафе што ве следи на секој чекор. По прошетката, можност за дегустација на прочуениот San Sebastian чизкејк – десерт кој ја освои Турција и светот со својот мек и кремаст вкус. Продолжуваме кон Каракој – едно од најшармантните места во Истанбул, каде што минатото и модерниот дух совршено се спојуваат. Улиците се полни со кафулиња, уметнички галерии и мали пекари кои ја создаваат автентичната атмосфера на градот. Ноќевање.
06.12.2026 – недела
Појадок во хотел. Организирана посета на Долмабахче Палата, Ортакој, Балат, Таксим и улицата Истиклал. Ќе започнеме со разглед на величествената Долмабахче Палата – последната резиденција на османлиските султани и симбол на богатството и префинетоста на османлиската епоха. Палатата со своите раскошни салони, кристални лустери, мермерни скали и уредени градини нуди поглед кон животот на султаните и историјата на една од најмоќните империи на светот. Потоа продолжуваме кон живописниот кварт Ортакој, сместен на самиот брег на Босфор. Овој дел од Истанбул е познат по шармантните кафулиња, уметничките продавници и прекрасниот поглед кон мостот Босфор. Тука ќе имате време за кратка прошетка и дегустација на познатиот kumpir – печен компир со различни додатоци. Продолжуваме кон Балат – еден од најфотографираните и најколоритни квартови во Истанбул, познат по шарените куќи, калдрмисаните улици, винтиџ кафулињата и автентичната атмосфера. Балат претставува вистински спој на традиција, уметност и локален живот, каде секоја улица раскажува своја приказна. Слободно време за прошетка, фотографии и уживање во уникатниот амбиент. Турата продолжува кон плоштадот Таксим – срцето на современиот Истанбул. Од Таксим продолжуваме со пешачка тура низ прочуената улица Истиклал, една од најживите и најпознатите улици во градот. Истиклал е исполнета со продавници, кафулиња, галерии и улични музичари, создавајќи незаборавна атмосфера. Враќање во хотел. Факултативно: можност за вечерно крстарење по Босфор со трансфер, богата шоу програма, вечера со вклучени алкохолни пијалоци. Ноќевање.
07.12.2026 – понеделник
Појадок во хотел. Факултативна посета на Обелиск, Султан Ахмет, Топкапи Палатата, Аја Софија, Базилика Цистерна и Капали Чаршија. Турата ќе ја започнеме со посета на Обелискот, еден од најзначајните историски споменици на плоштадот Султанахмет и сведок на богатото минато на Истанбул. Потоа следува посета на Сината џамија (Султан Ахмет), еден од најубавите примери на османлиската архитектура, препознатлива по своите шест минариња и раскошен ентериер. Продолжуваме кон Топкапи Палатата, поранешната резиденција на султаните и срцето на Отоманската империја, каде ќе се запознаеме со раскошниот дворски живот и богатата историја. Следната станица е величествената Аја Софија – симбол на спојот на културите и религиите, со грандиозен ентериер и импресивни мозаици. Потоа ќе ја посетиме мистичната Базилика Цистерна, едно од најинтересните подземни византиски ремек-дела во Истанбул, познато по својата уникатна атмосфера и антички столбови. Турата ќе ја завршиме со посета на легендарната Капали Чаршија, најпознатиот покриен базар во Истанбул, каде ќе имате слободно време за ручек, шопинг и уживање во локалната атмосфера. Во вечерните часови, пешачка тура до Галатапорт и уличките на Кадикој. Ноќевање.
08.12.2026 – вторник
Појадок во хотел. Одјавување од хотелот. Слободно време за прошетка, кафе и последен шопинг на улицата Истиклал и во околината на Бејоглу. Во договорено време, трансфер до аеродромот Sabiha Gökçen (SAW). Полетување за Скопје со Pegasus Airlines во 17:15 часот. Пристигнување во Скопје во 16:40 часот по локално време.
ПРОМО ЦЕНА:
399 ЕВРА (24.740 МКД)
ЦЕНА НА АРАНЖМАНОТ:
439 ЕВРА (27.220 МКД)
ВО ЦЕНАТА НА АРАНЖМАНОТ Е ВКЛУЧЕНО:
- Авионски превоз на релација Скопје – Истанбул – Скопје со Pegasus Airlines, со вклучен кабински багаж – 8 кг. и чекиран багаж од 20 кг.
| Датум |
Лет |
Релација |
Време |
| 05.12.2026 |
PC352 |
Skopje (SKP) – Istanbul (SAW) |
10:50 – 14:15 |
| 08.12.2026 |
PC353 |
Istanbul (SAW) – Skopje (SKP) |
17:15 – 16:40 |
- Трансфер аеродром – хотел – аеродром
- Сместување во хотел Бристол 3+* на база 3 ноќевања со појадок
- Туристичка такса во хотел
- Панорамски автобуски разглед на Истанбул со локален водич (попатно кон хотел)
- Трансфер со фери од Азиски во Европски дел на Истанбул
- Посета на Ускудар, Таксим, Истиклал, Ортакој, Каракој, Галата кула, Долмабахче, Топкапи Палата (без влезница), Аја Софија (без влезница), Базилика Цистерна (без влезница), Султанахмет, Обелиск на Теодосиј, Балат, Капали Чаршија
- Локален водич на англиски јазик
- Организација на аранжманот и придружник од агенција за време на целото патување
ВО ЦЕНАТА НА АРАНЖМАНОТ НЕ Е ВКЛУЧЕНО:
- Влезница Долмабахче Палата – 50 евра – задолжителна факултатива
- Влезница Аја Софија – 30 евра
- Влезница Базилика Цистерна – 40 евра
- Влезница за Топкапи Палата со слушалки – 60 евра
- Ноќно крстарење по Босфор со трансфер, водич, вечера со вклучени алкохолни пијалоци и музичка шоу програма – 60 евра
- Доплата за еднокреветна соба – 119 евра
- Патничко-здравствено осигурување (задолжително, информации во агенција)
НАПОМЕНА:
- За реализација на програмата потребни се минимум 20 лица.
- За реализација на сите факултативи со наведените цени потребни се минимум 20 лица – цените на факултативите се подложни на промени согласно бројот на пријавени патници.
- Постои можност за организација на дополнителни индивидуални факултативи – инфо за цени во агенција.
- Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.
- Агенцијата го задржува правото на отказ на аранжманот 7 дена пред поаѓање доколку не е исполнет бројот на пријавени лица предвидени по програмата.
- Агенцијата го задржува правото за промена на излетите по денови и саатници.
- Плаќање во денарска противвредност 1 евро = 62 денари.
- Пасошот мора да биде со важност мин. 6 месеци од денот на враќањето.
ПРИГОВОРИ И ПОПЛАКИ
- Во случај на неадекватно сместување или било кој друг проблем, се молат патниците за тоа веднаш да го известат одговорното лице на рецепцијата. Доколку проблемот не биде решен, веднаш треба за истиот да се извести ОРГАНИЗАТОРОТ НА ПАТУВАЊЕТО и уплатното место каде сте склучиле Договор за патување, за време на првиот ден од сместувањето и почетокот на оваа програма.
- Напоменуваме дека рекламации за кои агенцијата ќе дознае на последниот ден од престојот или по враќањето на патниците, истите нема да бидат земени во предвид или разгледани.
- Ве молиме во случај на било каков инцидент (кражба, тепачка, сообраќајна незгода…), да се обратите на надлежните институции во земјата на престојот. Организаторот на патувањето единствено е задолжен да Ви помогне при посредување меѓу вас и надлежните институции.
- Составен дел од оваа програма се Општите услови на патување на организаторот на патувањето. За сите информации дадени усмено, агенцијата не сноси одговорност.
