+389 31 418-900 contact@impala.com.mk

Крф

КРФ – 24 МАЈ

Островот Крф е уникатен со својата природна убавина, тиркизни плажи и архитектура на градот Крф (Керкира) каде што ќе се почувствувате како да сте во: Венеција, Болоња, Дубровник… сите тие тесни улички ќе ве потсетат на нешто што ќе помислите дека некогаш сте биле а всушност сте за прв пат таму.

ПРВ ДЕН 21.05.2026 (ЧЕТВРТОК) СКОПЈЕ-КРФ

Состанок на група кај хотел Русија во 21:00ч (точното време на поаѓање ќе се знае на 7 дена пред реализација на патувањето поради возниот ред на траектите). Имаме организиран превоз од: Kочани, Штип, Куманово, Скопје, Велес и Гевгелија. Следува ноќно возење со вклучени попатни паузи. Препорачуваме добар одмор за време на патувањето со цел зачувување на позитивната енергија за утринските часови. Пристигнуваме на пристаништето во Игуменица, од каде патот го продолжуваме со траект до островот Крф.

ВТОР ДЕН 22.05.2026 (ПЕТОК) КРФ

Пристигнување на пристаништето во Игуменица од каде патот го продолжуваме со траект до островот Крф. Предвидено пристигнување на пристаништето на Крф во попладневните часови. Следува возење до местото Ипсос, каде групата ќе биде сместена во сместувачките капацитети. Следува одмор и можност за запознавање со околината.
Во договорено време, се упатуваме кон градот Крф. Попатно ќе имате прилика да слушнете се за островот, градот, традициите, историјата, а потоа и панорамски разглед на стариот дел од градот, новата тврдина, старата тврдина, пристаништето. Следува кратка прошетка низ стариот дел од градот. Во договорено време, се враќаме во сместувачките капацитети, Ноќевање.

ТРЕТ ДЕН 23.05.2026 (САБОТА) ПАЛЕОКАСТРИЦА-СИДАРИ

Ипсос е место кое во текот на летниот период изобилува со туристи, но во месецот мај, местото изгледа сосема поинаку, мирно и идеално за убав сон, кое ќе ви овозможи да се разбудите свежи и одморени за да го истражуваме островот. Групата ќе има можност, факултативно да го посети местото кое е најголемата атракција на островот, местото Палеокастрица. Оваа посета не би била комплетна доколку попатно не се застане во фабриката „Мавроматис“, за производство на традиционални слатки и ликери од локалното овошје Кум Куат. Ова овошје е многу ретко, по потекло е од Кина и поради специфичните услови кои му се потребни за да расте, успеал само на островот Крф и одредена територија во Шпанија. Тука ќе се запознаеме со целиот начин на производство преку еден краток филм, а потоа сите гости ќе се упатат на шанкот за дегустација каде ќе имаат прилика да ги пробаат ликерите кои се произведуваат од овошјето и исто така да си купат дел од истите.
Потоа се упатуваме кон Палеокастрица, местото кое се смета за вистински рај на земјата. Неговите плажи со години го добиваат епитетот „најубави“ во Европа, поради неверојатно тиркизната боја на морето. Ќе имате прилика да уживате токму во тие убавини. На благ видиковец над Палеокастрица се наоѓа и манастирот од 13-век, Света Богородица, од кој се пружа прекрасен поглед на заливите. Во договорено време, групата се упатува кон местото Сидари-Каналот на љубовта, каде ќе има доволно време да се прошета малото градче,да се ужива на плажа и да се преплива познатиот канал на љубовта. Враќање во апартманите. Ноќевање.

ЧЕТВРТИ ДЕН 24.05.2026 (НЕДЕЛА)

Состанок на групата во договорено време и упатување кон факултативна посета на Глифада. Глифада на Крф е едно од најубавите и најпознатите летувалишта на островот, вистински рај за љубителите на сонце, море и опуштена медитеранска атмосфера. Сместена на западниот брег на островот, оваа плажа е позната по својот златен песок, тиркизно море и спектакуларни зајдисонца.Слободно време и враќање. Ноќевање.

ПЕТТИ ДЕН 25.05.2026 (ПОНЕДЕЛНИК)

Последниот ден е резервиран за уживање во Ипсос. Во договорено време состанок на група и враќање кон Македонија со попатни паузи. Пристигнување на 26.05 (вторник) после полноќ.

ЦEНА НА АРАНЖМАНОТ:139ЕВРА / 8.618МКД

ПРОМО ЦЕНА : 119ЕВРА / 7.378МКД

ЦЕНАТА НА АРАНЖМАНОТ ВКЛУЧУВА:

Автобуски превоз
Три ноќевања во приватни вили во Ипсос или Дасиа
Разглед на градот Крф
Туристички придружник

ЦЕНАТА НА АРАНЖМАНОТ НЕ ВКЛУЧУВА:

Туристичка такса 2 евра од ден по соба
Посета на Палеокастрица и фабриката Мавроматис и посета на Сидари – 40 евра
Глифада – 25евра
Доплата за траект – 30 евра (се плаќа ЗАДОЛЖИТЕЛНО во автобус)
Задолжително патничко осигурување
Индивидуални трошоци

Напомена:

Патниците задолжително при пријава се изјаснуваат дали ќе одат на екскурзии и на кои поради навремена организација. Кога станува збор за влезници за музеи/локалитети при резервација се проверува дали има место или не, доколку има се купува карта, во спротивно патниците не ги посетуваат музеите/локалитетите предвидени според програмата.
Агенцијата го задржува правото за отказ на аранжманот најмногу 5 дена пред тргнување.
Превозот дали ќе биде со автобус или комбе зависи од бројот на патници.
За реализација на патувањето потребно е минимум од 45 патници.
Цените се дадени во евра, уплатата исклучиво се врши во денарска противвредност по курс 1 евро = 62 мкд
Важност на патните документи минимум 3 месеци по завршувањето на патувањето
Целосна доплата на аранжманот мора да се изврши најдоцна 10 дена пред тргнување.
Во случај на отказ на еден од патниците, за сместување нема поврат на средства
Агенцијата го задржува правото по пат на ultra first или last minute понуда да ги објави и продаде слободните капацитети по цени кои се разликуваат од оние кои се веќе објавени во ценовникот. Лицата кои го уплатиле аранжманот по ценовник немаат право на надомест на средства за разликата во цена.
Агенцијата го задржува правото на промена на хотел/апартман во случај на технички причини или Overbooking, организаторот ќе го смести патникот според можностите во даден момент во објект од иста категорија или од повисока категорија без надомест
Реализацијата на излетите е во зависност од временските услови, организаторот го задржува правото во случај на неповолни временски услови да ги откаже излетите или да направи промена во редоследот на факултативните излети.
Патувања кои се резервирани по цени за рано букирање или резервации во последен момент за отказ, без оглед на времето кога е откажано патувањето, се наплатува 100 % од уплатената сума.
Доколку патникот сака да го промени терминот пред денот на претходно потврденото поаѓање, доколку е можно организаторот ќе изврши промена на резервацијата и ќе наплати манипулативни-административни трошоци во износ од 10€ (евра), по пријава-договор
За ова патување важат Општите Услови за Патување на ТА Импала Травел.
Организатор на патувањето е друга агенција, партнер на Импала Травел.